Jæja búin að klára verkefnið eftir mikla vinnu - á reyndar eftir að kaupa allar gjafir og senda jólakort, en iss það reddast, ekki satt :)

Svo nuna er bara að fara að pakka og svo ísland eftir nokkra tíma.

Knus og hafið það gott

Mjög oft er ég þessi týpa sem er ógeðslega utan við mig - sumir kalla þetta prófessor gen aðrir kalla þetta bara ljóskutakta... Ætla að deila með ykkur nokkrum atriðum sem hafa gerst fyrir mig undanfarið.

1. Var í vinnunni í gær og ætlaði að poppa fyrir unglingana og það er nátturlega ekkert mál fyrir svona týpu eins og mig. Nema ég set poppið í örbylgjuna og stilli svo á rúmar 3 mín - og stend og bíð, bíð og svo skil ég ekkert gerist ekkert!! Enda með að ná í samstarfsmann minn og spyr afhverju gerist ekkert - það kviknar ábyggilega í poppinu bráðum segi ég, þá horfir maðurinn bara grafalvarlega á mig og segir mér að það sé ábyggilega betra að kveikja á örbylgjunni fyrst.. Dísus Svanborg það þarf nú enga háskólagráðu í það...

2. Var að versla um daginn - kom heim og ætlaði að elda, byrja á að setja kartöflurnar í ofninn - en nei ég gleymdi pokanum með kartöflunum í búðinni. Hvernig er það hægt...

3. Við Rakel vorum að bíða eftir strætó um daginn, svo kemur einhver strætó, við sko að bíða eftir nr.2 og ég stend nátturlega bara alveg tóm og horfi úti í loftið. Svo fer fullt af fólki í strætó og svo segir Rakel þegar hann keyrir í burtu, mamma afhverju fórum við ekki með tvistinum. Þá lýt ég upp og sé að þetta var tvisturinn sem var að keyra í burtu - freðin gella...

Jæja gaman að þessu

Fórum út í fyrsta snjó vetrarins áðan og það var æði - fórum nátturlega í mjög hressandi snjókast og hélt að ég hefði unnið þegar að Rakel bara á endanum rústaði mér með risa snjóbolta sem hún var búin að fela bakvið runna....er það ekki svindl.

verð að koma þessu að...eruð þið að djóka með að það sé í fréttunum að Einar Bárðason hafi verið að kaupa sér einbýlishús í Njarðvík - og hvað með það.... meira að segja kemur fram í fréttinni að fasteignasalinn hans sem er sali ríka fólksins á íslandi (kemur líka fram í fréttinni) hafi líka keypt sér hús í götunni. DJÓK!! Fréttamennska í hnotskurn og fyrir hvað er maðurinn þekktur að vera......umbinn fyrir nælon sem aldrei meikaði það

Dóttir mín og vinkonur hennar eru í töluðum orðum að reyna að sofna eftir að vera búnar að skottast saman síðan að ég sótti þær í skólann í dag. Það er búið að vera með dansshow og alles inni í herbergi og ég er eiginlega búin að taka þátt í þessu öllu saman - já einhvern tímann heyrði ég einhvern viskann mann segja að maður megi ekki gleyma barninu í sjálfum sér og nei ég er víst alls ekki að því.

Svo fórum við með vasaljós uppí Golfparken að skoða stjörnurnar og elta drauga en fundum enga drauga, þeim var ábyggilega svo kallt að þeir voru búnir að fela sig einhversstaðar. Þær öskruðu nátturlega alltaf svo mikið þegar að ég var að stússa eitthvað að það var mikið að barnaverndarnefnd kom ekki og greip til málanna. Heim var haldið og ég var búin að lofa sögu þegar væri komið í háttinn - ég skáldaði svo rosalega tröllkonusögu og álfasögu að nú er vinkona hennar Rakelar skíthrædd inni í herbergi og á eftir að koma í sjokki heim á morgun og hvað eiga foreldrarnir eftir að halda - sjáið þið fyrir ykkur þegar stúlkan er að segja pabba sínum (sem er nb. soldið þurr á kantinn) að mamma hennar Rakel hafi verið að segja sögur af tröllkonu á íslandi sem að var að reyna að ná í mat fyrir börnin sín í hellinum og náði ekki heim og varð að steini....

Rakel samt svo geðveikt að stand by me alltaf og trúir á þetta af öllu sínu hjarta og sagði þeim líka sögurnar af Grýlu og leppalúða og öllum bræðrunum og kom með einn punkt sem ég reyndar á eftir að fá staðfestann. Sagði að Guðný vinkona mömmu hefði einu sinni verið svo óþekk að Grýla hefði tekið hana með sér heim í hellirinn en svo hefði hún reyndar fengið að fara til baka, þvílík heppni!!! Pæla að barnið muni enn eftir þessu.. Guðný ég bara spyr - hvernig var í hellinum hjá henni Grýlu??

En annað sem er vert að setja á veraldarvefinn og það er að ég náði prófinu mínu í gær - alveg rosalega glöð núna

Afhverju vill maður blogga þegar að maður hefur ekki tíma til þess - eða á ekki að vera eyða tíma í það, kanski vegna þess að ég skil ekkert í þessari tölfræði og hreinlega bara nenni ekki að læra hana. Er búin að eiga mjög pakkaða daga undanfarið og á held ég bara eftir að eiga það þangað til ég kemst á klakann góða - hlakka svo til að hitta ykkur.

Erum fluttar í þessa líka fínu litlu sætu íbúð og erum bara búnar að koma okkur nokkuð vel fyrir - er reyndar enn að venjast skólplögnunum í byggingunni því ég get nánast fylgst með klósettferðum þeirra sem búa fyrir ofan mig en þetta er allt að venjast - maður lætur sig nú hafa ýmislegt fyrir þennann pening sem maður er að spara;)

Þess fyrir utan erum við bara að sinna námi, vinnu, fótbolta og kór og alltaf nóg að gera hjá okkur - ég er desuden laus úr græjunni og er núna bara hálf kalt á fætinum, verndarinn mikli er farinn.

Framundan er annarst bara próf á morgun - náttfatapartý hjá Rakel á föstudaginn (ég er alltaf þessi hressa mamma sem býður öllum með) - sushiboð með gömlum grönnum á sunnudaginn og svo bara hellings projektvinna...

Hlakka óendanlega til að koma til íslands um jólin - ég er með íslandssýki eins og er - bara 2,5 ár eftir svo kem ég og ekki orð um það meir...

Jæja þá er liðin vika síðan óhappið reið yfir heimilishaldið og erum við allar að aðlagast þessum nýju heimilisvinum (spelkan og hækjan). Ég er reyndar ekkert sallaróleg með þetta er pínu óþekk og er að stelast til að gera hitt og þetta. Finnst einstaklega erfitt og leiðinlegt að byðja fólk um að gera allt fyrir mig - þegar að ég veit að ég get allt best sjálf, he he!
En í gær ákvað ég semsagt að drífa mig í skólann - varð bara að komast út og hitta fólk og gera eitthvað og upplifa eitthvað. Það gekk alveg ágætlega að komast þangað var sótt og keyrð heim en átti mjög erfitt með að sitja kyrr í fyrirlestri, var alveg eins og lítið óþolinmótt barn sem vissi ekkert hvernig átti að haga sér (mér var semsagt illt í helv... brotinu sama hvernig ég snéri).
Nú jæja þá var bara best að vera heima í dag en...ég á erfitt með bara að vera heima í marga daga og gera ekkert svo mér fannst svo góð hugmynd að þrífa sófann minn...HVað er það!! Af því það er svo auðvelt að hoppa á hækjunum með ryksugunum og bala með vatni í fram og tilbaka eða hvers vegna fannst mér þetta svona góð hugmynd?
Já ég skal segja ykkur það.... mér finnst gaman að pinta sjálfan mig og mig dauðlangar til þess að vera lengi í spelkunni vinkonu minni - hún veitir mér nefnilega öryggi og hlýleika.
Og get ekki annað en vorkennt henni Rakel Evu en hún þarf aðeins að súpa seiðið af skapstirðleika móður sinnar undanfarna daga - það er bara stórgott mál að hún fari í orlof til pabba síns á morgun.
En ætla að lýta á björtu hliðarnar og það er að ég er fullkomlega heilbrigð með 2 sterka fætur og ég veit að þetta á eftir að gróa fljótt því að ég er ofurhetja (búin að ljúga því af öllum börnum í hverfinu) plús að ég á ekki neitt og skulda ekki neitt á íslandi svo við mæðgur komum heilskinnaðar út úr kreppunni en stöndum eðlilega með okkar fólki :)

Já til að gera langa sögu stutta...þá ligg ég hér í sófanum í hólki frá nára niður á ökkla eftir að hafa flogið hressilega af reiðhjólafák mínum. Braut sem sagt upp úr hnéskélinni og get ég sagt ykkur sem ekki hafa prófað þetta að þetta er ekki þess virði - myndi sleppa þessu.
Þetta sest nú reyndar mest á geðheilsu mína þar sem að ég get ekkert gert - dísus hvað ég er pirruð! Ég á að vera í þessari djö.... spelku í 4 - 6 vikur og á hækjum. Mjög hressandi að beyglast um allt á hækjum...
Þetta er samt mjög gott mál allt saman þar sem ég er að fara að flytja eftir 3 vikur og þarf eðlilega að pakka og flytja allt draslið mitt og nátturlega þrífa og ganga frá þessari íbúð, fyrir utan það þarf ég nátturlega að fylgja Rakel í skólann og fótbolta og sjálf að fara í skólann, versla og vinna. Verð sem sagt bara að líta á þetta sem svona challenge í mínum hversdagsleika. Á erfitt með að viðurkenna það ...en nú væri kanski pínu gott að eiga kall!
Á mig aumann...spurning um að henda inn mynd einhvern daginn...